Front de Liberacion Nacionala de Provença

Lo Front de Liberacion Nacionala de Provença (FLNP) es un movement nacionalista creat en 2012 e totjorn actiu uei. Milita per l'independéncia de Provença e d'Occitània.

Istoric

2013

Lo 21 de genier de 2013, es descubèrt una bomba davant una agéncia immobiliària de Gareut dins Var. L'agéncia immobiliària es immediatament evacuada e de desminaires s'ocupan d'enlevar l'engenh explosiu. Aquela nòvela es fòrça mal presa per París, en plen plan Vigipirate. L'afaire es a partir d'aqueu jorn arrapat per lo parquet antiterrorista de París. De fuelhs son retrobats sus plaça, revendican una independéncia de Provença e d'Occitània, e critican lo sistèma de París e l'especulacion immobiliària, qu'empacha lei provençaus e leis occitans d'aver accès a l'immobiliari sus sa tèrra. Dos mes pus tard, lo 23 de març de 2013, una bomba artesanala peta davant una agéncia immobiliària a Sant Nari. L'explosion ne produtz que de degalh materiaus, mai de tags son marcats sus lei luecs : "FLNP Provença libra". Una autra bomba es descobèrta, lo matin dau 7 de mai de 2013, en plen còr de Draguinhan, davant una banca BNP-Paribas. La carga es desamorsada per un robòt de desminatge e d'autrei fuelhs son retrobats sus plaça, amb l'inscripcion "Òsca Provença FLNP".