Frederic II Hohenstaufen

Un article de Wikipèdia, l'enciclopèdia liura.
Anar a : navigacion, Recercar
Frederic II de Hohenstaufen

Frederic II de Hohenstaufen (nascut lo 26 de decembre 1194 a Jesi pròche d'Ancòna - mòrt lo 13 de decembre 1250 a Fiorentino pròche de San Severo, Itàlia actuala) regnèt sus lo Sant Empèri Roman Germanic de 1220 à 1250. Foguèt : rei dels Romans, rei de Germania, rei d'Itàlia, rei de Sicília e rei de Jérusalem. Foguèt educat en Sicília ont visquèt la majora part de sa vida, sa maire essent Constança filha de Rogièr II de Sicília. Son empèri foguèt sovent en conflicte amb los estats pontificals, e lo papa Gregòri IX l'escaissava l'Anticrist.

Sos contemporanèus lo nomenavan l'Stupor mundi ("la meravelha del mond"), e se ditz qu'èra capaç de parlar en nòu lengas e d'escriure en set (en un temps en que la majoritat del nòbles e monarcaes sabián pas escriure). Foguèt tanben promotor de la sciéncia e de las arts, mecèna de l'Escòla Siciliana de poèsia, e fondèt l'Universitat de Nàpols.