François Valéry

François Valery en Occitània, a Canas (Provença) en 2019

Jean-Louis Mougeot, conegut coma François Valéry, es un cantaire francés de soca pè negre nascut a Oran (Argeria) lo 4 d'agost de 1954, fòrça popular en França dins las annadas 1980. Son nom de scèna es inspirat dels prenoms dels candidats a l'eleccion presidenciala de 1974 en França (François Mitterrand e Valéry Giscard d'Estaing).

Comença d'aver un pauc de resson ambe sas cançons Une chanson d'été (de caps 1974) e Qu'est-ce qu'on a dansé sur cette chanson (fin 1976), mas es lo tube disco Emmanuelle en 1980 que l'impausa coma un cantaire màger en França. Las tres autras cançons emblematicas de François Valery, que foguèron grosses tubes tanben dins las annadas 1980, son de'n primièr son duò Dream in blue en 1981 ambe l'actritz Sophie Marceau, Elle danse Marie en 1983, e Aimons-nous vivant en 1989.

François Valery, eredèr de Claude François

François Valéry èra sovent considerat a la debuta d'èsser una creacion del mestièr de l'espectacle coma un clòne, quitament un supletiu del paure Claude François defuntat en 1978 en plena glòria pendent sa periòda disco : tot en çò de François Valéry evòca en particular après 1978 lo cantaire defunt, que s'agisca de son aparéncia fisica, de son prenom (François), de son estili musical (Emmanuelle, tròç disco francés exactament dins lo meteis esperit que Magnolias For Ever e Alexandrie, Alexandra, los darrièrs tubes de Claude François) ; fins a sa vida personala, vist que son pès negres l'un coma l'autre. D'alhor, François Valéry farà quitament una represa de C'est la même chanson del dit Claude François en 1990.

Cançons mai conegudas

• Une chanson d'été (1974)
• Qu'est-ce qu'on a dansé sur cette chanson (1976)
• Emmanuelle (1980)
• Dream in blue (1981, ambe Sophie Marceau)
• Stars, le samedi soir (1982)
• Elle danse Marie (1983)
• Esclave de la musique (1988)
• Aimons-nous vivant (1989)
• C'est pas possible (1989)
• C'est la même chanson (1990, represa de Claude François, adaptacion francesa de It's the Same Old Song de The Four Tops)
• Cuba cuba (1996)