Filon de Bizància
Filon de Bizància (vèrs 280-220 avC) es un engenhaire grèc dau periòde ellenistic. Presentat coma lo successor de Ctesibios, es famós per lo nombre important de sei tractats conservats e per l'influéncia de son trabalh que demorèt viva dins l'Empèri Roman d'Orient fins au sègle X. Pasmens, sa vida es quasi desconeguda. Una partida de son òbra foguèt tanben traducha en arabi e aguèt una certana influéncia dins l'espaci musulman.
Filon s'interessèt principalament a la mecanica (maquinas simplas, automatas, ròdas, pneumatics...), ai relòtges d'aiga, a la construccion d'infrastructuras (pòrts...) e a la poliorcetica (fortificacions, maquinas de sètge...). Dins aqueu darrier domeni, en mai de sei conoissenças sus l'art militar eu meteis, mostrèt sei competéncias en matèria de construccion civila en depintant divèrsei tipes de resèrvas de cerealas. Es tanben considerat coma l'autor de la lista pus ancianas qu'enóncia lei Sèt Meravilhas dau Mond[1]. Pasmens, aquela paternitat es de còps contestada.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (fr) Bertrand Gille (dir.), Les mécaniciens grecs : la naissance de la technologie, Seuil, 1980.
- (fr) Jérôme Nicole, « Dans l’Antiquité, il existait déjà des automates sophistiqués », The conversation, n° 1, 2021, p. 1.