Filistèus

Un article de Wikipèdia, l'enciclopèdia liura.
Anar a : navigacion, Recercar
La descripcion biblica identifica cinc ciutats filistèas: Gaza, Ashdod, Ashkelon, Eqron e Gat

Los filistèus son un pòble de l'Antiquitat conegut per diferentas fonts textualas (assirianas, jusievas, egipcianas) e arqueologicas. Apareisson dins de fonts egipcianas al sègle XII abC e son presentats coma d'enemics d'Egipte venguts del nòrd, mesclats amb d'autras populacions ostilas conegudas jol nom de « pòbles de la mar ». Après lors afrontaments amb los egipcians, s'establiguèron lo long de la còsta mediterranèa al sud-oèst de la Tèrra de Canaan (de Gaza a Tel Aviv actuals). Lors ciutats dominèron la region entrò a la conquista assiriana de Teglat-Falasar III en 732 abC. Someses de seguida als empèris regionals, semblan progressivament de s'i assimilar. Las darrièras mencions dels filistèus datan del sègle II abC, dins lo primièr libre dels Macabèus. Lor lenga demòra desconeguda, puòi que n'i a pas cap de tèxte. Pòt far partida de la familha de las lengas indoeuropèas o de la familha de las lengas semiticas.

Palestina[modificar | modificar la font]

Lo nom Palestina deriva d'aquel dels filistèus. Jos Ramsès III, los egipcians designan coma "Peleset" (p-l-s-t) la region que aqueles abitan. A una epòca un pauc pus tardiva, la region es egalament mencionada dins la Bíblia jos la forma "Peleshet" (פלשת Pəléšeth). Dins los tèxtes occidentals, lo tèrme de Palestina (Παλαιστίνη Palaistínē) apareis pel primièr còp jos la pluma de l'istorian grèc Erodòt, al sègle V abC, benlèu una forma derivada de l'assirian "Palastu" o "Pilistu". Al sègle I, Plini lo Vièlh parla egalament de Palestina, totjorn ligat al tèrme de Siria.

Galariá[modificar | modificar la font]

Ligams extèrnes[modificar | modificar la font]

Suls autres projèctes Wikimèdia :