Ferriol Macip i Bonet

Ferriol Macip i Bonet
	; (2023)
Biografia
Naissença	7 de novembre de 1969 (56 ans); Barcelona
Donadas personalas
Camp de trabalh	Cultura occitana
Trabalha per	Jornalet

Ferriol Macip i Bonet (neishut en Barcelona, eth 7 de noveme de 1969) qu'ei grafista, traductor, musician e jornalista catalan, esperantista e occitanista.

Coma esperantista comencèc ena Joventut Catalana d'Esperanto er an 1986, coredactor deth bulletin Kata Luno e entre 1990 e 1993 coredactor dera revista sus lengües e pòbles en lengua catalana Freqüències. Qu'ei membre actiu dera Associacion Catalana d'Esperanto, on i trabalhèc professionaument entre 2004 e 2016. Qu'ei eth grafista dera revista Kataluna Esperantisto e deth magazine Monato. Que hè tanben de violonaire en grop de musica tradicionau Kaj Tiel Plu a on ei membre actiu, atau com dera equipa de traductors responsables dera edicion en esperanto de Barcelona-Indymedia. Amassa damb Josep Maria Milla i Saldon que metec en marcha KIS TV, eth servici informatiu televisat dera Associacion Catalana d'Esperanto, en 2006.

Coma occitanista que comencèc en Institut d'Estudis Occitans, seccion animacion, en tot ensenhar de manèra pedagogica era lengua occitana en campaments e colònies d'estiu entre es ans 1992 e 1997. Qu'a redigit, editat e presentar er infòc, mès tard nomentat #aranésòc, er informatiu en occitan dera television de Barcelona Betevé amassa damb Manel Zabala e Josep Maria Milla i Saldon, coprodusit entre Betevé e era Associacion entara Difusion d'Occitània en Catalonha (ADÒC). Hè partida dera redaccion de Jornalet, quotidian occitan d'informacions. Actuaument que trabalhe coma traductor e interprèt d'occitan en Departament de Politica Lingüistica dera Generalitat de Catalonha.

Ligams extèrnes