Josep Maria Milla i Saldon

Josep Maria Milla i Saldon (Jomo) (Mataró, Maresme, 1965) musician, jornalista, lingüista e esperantista catalan.

Que dintrèc en 1984 dins la Joventut Catalana d'Esperanto ont en divèrs periòdes qu'estó arresponsable d'informacion, clavaire e coredactor deu bulletin Kata Luno. Entre 1990 e 1993 ne coredactèc la revista en catalan Freqüències. Dempús de 1995 que milita dins l'Associació Catalana d'Esperanto, dont en 2004 n'estó lo liberat. Qu'estó un deus organizadors deu 27au Congrès Catalan d'Esperanto en Mataró, l'an 1995, un deus qu'agó mèi succès.

Qu'ei membre deu grop musicau Kaj Tiel Plu e coordinador de l'equipa d'arreviradors a l'esperanto de Barcelona-Indymedia. Amassa dab Ferriol Macip qu'inicièc lo servici d'informacion televisada de l'Associacion Catalana d'Esperanto (KIS TV) l'an 2006.

Coma occitanista comencèc dins la Seccion Animacion de l'Institut d'Estudis Occitans en hasent de professor d'occitan en activitats d'estiu entre las annadas 1992 e 1997. Qu'ei membre fondador de l'Institut Catalan d'Estudis Occitans.

Actuaument que collabòra dab l'informatiu en occitan [infòc], a [Barcelona TV] amassa damb Manel Zabala e Ferriol Macip, coprodusit énter Barcelona TV e l'Associacion entara Difusion d'Occitània en Catalonha (ADÒC), e qu'ei corresponsau en país deu Maresme deu setmanièr Dirècta.

Ligams extèrnes