Fauç e martèl

Un article de Wikipèdia, l'enciclopèdia liura.
Anar a : navigacion, Recercar

La faus e lo martèl (en rus: серп и молот ; prononciat: sèrp i molòt) (☭) son un simbol grafic utilizat per representar lo comunisme, dins sa varianta leninista. Rebat lo martèl del proletariat obrièr e la fauç dels païsans; lor joncion simboliza l'union entre los trabalhadors agricòlas e industrials.

Es present sus la bandièra de l'URSS, sus totas las bandièras de las ancianas republicas de l'Union de las republicas socialistas sovieticas coma la Republica socialista federativa sovietica de Russia, la Republica socialiste sovietica d'Ucraïna, la Republica socialista sovietica du Cazacstan, eca. e sus diverses supòrts ligats al leninisme (cartas d'aderents del partit, sagèls sovietics, eca.).

Usatge[modificar | modificar la font]

La fauç e lo martèl.

Lo simbòl èra a l'origina un martèl crosant una araire, amb lo meteis sens. La fauç e lo martèl, pasmens se foguèt utilizat en 1917-1918, venguèt un simbòl oficial en 1922; abans, l'araire e lo martèl èran utilizats per l'Armada roja.

La fauç e lo martèl èran un dels simbòls de la RSFS de Russia dempuèi 1917. Foguèt adoptat sus la bandièra de l'Union sovietica en 1923, instituida dins la constitucion en 1923 e plaçat sus las bandièras de las republicas de l'Union sovietica après aquela data. Abans, èran totalament rojas, amb lo nom de la republica escrich en daurat.

Los partits comunistas afiliats al Komintern e al Kominform, es a dire a l'Union sovietica, e tanben aqueles que virèron cap a la Republica populara de China, emplegavan la fauç e lo martèl dins lor simbolica. Pasmens, quitament de partits comunistas oposats a aqueles dos Estats l'utilisèron, a vegadas amb de modificacions estilisticas.

Lo simbòl èra utilizat inversant le sens de las aisinas pel Partit comunista francés, es dempuèi 1994 pauc a pauc abandonat per la direccion nacionala del PCF mas demora utilizat per de seccions e de federacions[1].

Variantas[modificar | modificar la font]

Diverses simbòls presenton de variacions estilisticas sus la fauç e lo martèl. La bandièra d'Angòla presenta una ròda dentada crosada amb una cotèla. Lo simbòl del partit del trabalh de Corèa utiliza un martèl, una fauç, e un pincèl. La Republica Democratica de Còngo utilzava un martèl e una aissada. La Republica democratica alemanda utilisava un martèl e un compàs sus espiga de blat.

En França, lo logò del Partit comunista francés, fins al an 1990 presetava la fauç e le martèl mas dins le sens invers de l'URSS. Mai d'un còp cambièt de grafisme.

Fin finala, la Quatrena Internacionala creada en 1938 per Trotski utilizèt aqueles simbòls sus sa bandièra mas amb un « 4 » entrelaçat dins las aisinas.

Interdit del simbòl[modificar | modificar la font]

Lo simbòl demora popular pels comunistas pel mond. Dins l'Euròpa de l'Oèst, totes los païses de l'Oèst europèu permetèron son afichatge public sens consequéncia.

Pasmens, dins de païses de l'Èst de l'Euròpa, la fauç e lo martèl son considerats coma lo simbòl d'una « ideologia totalitària e criminala » e la representacion de la fauç e del martèl e d'autres simbòls comunistas coma l'estela roja[2] es considerar coma una ofensa criminala. Ongria (dempuèi 2004)[2], Lituània (dempuèi 2008)[3] Polonha (dempuèi 2009)[4], Moldàvia (dempuèi 2012)[5] e Ucraïna (dempuèi 2015) an fòrabendit aqueles simbòls[6]. Los individús trobats copables de possession, produccion o distribucion de simbòls comunistas en Polonha pòdon èsser condamnats a una pena de dos ans de prison[7].

Unicode[modificar | modificar la font]

Existís un caractèr Unicode representant la fauç e lo martèl. Es situat dins l'interval 2600-26FF dels simbòls diverses e correspond al còdi U+262D. Suls navigators internet suportant l'Unicode, lo simbòl deuriá s'afichar: ☭. Sa representacion es simplificada al respècte dels simbòls utilizats pels partits politics tradicionals e ela es pro unifòrme segon las polícias de caractèrs utilizats.

Galariá[modificar | modificar la font]

Notas e referéncias[modificar | modificar la font]

  1. Les communistes sans faucille ni marteau, Le Parisien, 9 février 2013.
  2. 2,0 et 2,1 Còdi criminal ongrés 269/B.§ (1993)
  3. (en) « Lithuanian ban on Soviet symbols » (consultat lo 7 novembre 2011).
  4. (en) « Poland Imposes Strict Ban on Communist Symbols » (consultat lo 7 novembre 2011).
  5. (en) « Moldova Bans Communist Symbols » (consultat en 27 juillet 2012)
  6. Gorbatchev, Eltsine et l'hymne russe... interdits en Lituanie
  7. Article 256 du còdi penal polonés.

Vejatz tanben[modificar | modificar la font]

Articles connèxes[modificar | modificar la font]

Ligal extèrne[modificar | modificar la font]