Fòrças especialas

Un article de Wikipèdia, l'enciclopèdia liura.
Salta a la navegació Salta a la cerca
Soudats dei fòrças especialas sovieticas en Afganistan en 1985.

Lei fòrças especialas son d'unitats militaras capablas de menar, d'un biais autonòm, d'operacions d'una durada de quauqueis oras a quauquei setmanas dins un environament fòrça ostil, generalament un territòri tengut per l'enemic numericament pus nombrós. Per aquò, son formadas d'efectius reduchs e mobils ben entraïnats e ben equipats que fan partida de l'elèit dei fòrças armadas d'un Estat.

Lei missions fisadas ai fòrças especialas son variadas :

  • recèrca e transmission d'entresenhas.
  • liberacion de presoniers.
  • neutralizacion d'objectius vitaus per l'adversari.
  • preparacion de zònas permetent l'installacion d'unitats convencionalas dins lo quadre d'una intervencion pus larga.
  • guidatge d'aeronaus durant d'operacions aeroportadas o de bombardaments aerians.
  • operacions psicologicas.
  • proteccion de personalitats o de sites importants.
  • accions de guerilha.
  • formacion e enquadrament de personaus militars d'un movement o d'un país aliat.

Lo contraròtle operacionau dei fòrças especialas es normalament assegurat per lo comandament superior d'una fòrça militara car son ròtle es liat a d'objectius estrategics de nivèu superior. Aquò permet de redurre la cadena de comandament per assegurar una reaccion rapida. De mai, per dispausar de l'autonòmia necessària a seis operacions, lei fòrças especialas dispausavan sovent de mejans pròpris, compres per la planificacion e la preparacion de sei missions.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]