Espeluga de Gorham

Un article de Wikipèdia, l'enciclopèdia liura.
Anar a : navigacion, Recercar
Vista de la Mar d'Alboran despuish l'Espeluga de Gorham
Vista de l'Espeluga de Gorham dens la cara èst de l'Arròc de Gibartar

L'espeluga preïstorica de Gorham que s'obreish au bòrd de la mar a Gibartar, dens la cara èst de l'Arròc. Que deu lo son nom au capitani A. Gorham, oficièr britanic qui la descrobí en 1907.

Qu'ei considerada com la darrèra abitacion coneishuda de l'òmi de Neandertal. Las recèrcas recentas que semblan mostrar ua darrèra ocupacion neandertaliana enter 28 000-24 000 ans abans lo present, valent a díser l'òmi de Neandertal qu'auré donc longament coabitat dab l'òmi anatomicament modèrne, present dens la region despuish 32 000 ans. Las espelugas de Gibartar que contunhèn d'estar emplegadas peus òmis modèrnes arron de l'extincion finau deus neandertalians. Los depòsts de l'Espeluga de Gorham qu'an guardat ustensilhas de pèira, larèrs ancians e òs d'animaus datats enter 40 000 ans e 5 000 ans abans lo present. Qu'embarra raras pintruras rupèstras deu Paleolitic Superior.

Qu'ei estada, despuish la soa descobèrta, un site d'un interès arqueologic considerable. La recèrca arqueologica que i a descrivut 4 nivèus estratigrafics: lo purmèr nivèu que mòstra un usatge fenician enter los sègles VIII-III abans lo Crist; çai jos que i avó ua brèva utilizacion neolitica; lo nivèu III qu'a balhat ustensilhas d'origina magdaleniana e solutreana; lo nivèu IV qu'a dat 103 objèctes, inclusent puntas de lança, cotèths e instruments de gratatge, identificats com mosterians e que mòstra un usatge de contunh durant millennis.

Ligams extèrnes[modificar | modificar la font]