Tropic

Miègjorn dins una region tropicala (Filipinas) un jorn que lo solelh es a sa posicion zenitala.

Lo mot de tropic ven del grèc tropos que significa «torn».

En rason de l'enclinason de l'axe terrèstre totjorn se pòt veire dins la meteissa posicion las estelas de fons, dins lo periòde d'una orbita completa a l'entorn del solelh, sus la Tèrra i a de regions que l'enclinason dels rais del solelh càmbia jornalament fins a interferir sus la durada del jorn. Amb la teneson de las observacions, los pòbles ancians concluguèron qu'existissián de latituds sus la superfícia del glòbe que delimitan las enclinasons maximalas e minimalas de las ombras del solelh e aquelas zònas se nomenèron torn (tropo, en grèc), son lo Tropic del Càncer e lo Tropic del Capricòrn.

Del punt de vista de la geografia, la region tropicala es un airal de la Tèrra limitat pel Tropic del Càncer e pel Tropic del Capricòrn, que sa linha mediana es l'Eqüator terrèstre.

Region tropicala

Vejatz tanben

• Eqüator
• Meridian de Greenwich
• Tropic del Càncer
• Tropic del Capricòrn
• Clima tropical.