Tropic
Un tropic (del grèc ancian: τροπή, tropê, «torn») es un axe imaginari latitudinal del glòbe terrèstre ont se pòt determinar l'inclinason solara. Dos axes d'aquel tipe son situats a equidistància de l'eqüator terrèstre: lo tropic del Càncer dins l'emisfèri nòrd (23°26′12.1″ N) e lo tropic del Capricòrne dins l'emisfèri al sud (23°26′12.1″ S).
En rason de l'enclinason de l'axe terrèstre totjorn se pòt veire dins la meteissa posicion las estelas de fons, dins lo periòde d'una orbita completa a l'entorn del solelh, sus la Tèrra i a de regions que l'enclinason dels rais del solelh càmbia jornalament fins a interferir sus la durada del jorn. Amb la teneson de las observacions, los pòbles ancians concluguèron qu'existissián de latituds sus la superfícia del glòbe que delimitan las enclinasons maximalas e minimalas de las ombras del solelh e aquelas zònas se nomenèron torn, son lo tropic del Càncer e lo tropic del Capricòrne.
Del punt de vista de la geografia, la region tropicala es un airal de la Tèrra limitat pel Tropic del Càncer e pel Tropic del Capricòrne, que sa linha mediana es l'eqüator terrèstre.
