Manuel Valls

Manuel Valls, Tolosa 2007

Manuel Carlos Valls, nascut lo 13 d'agost de 1962 a Barcelona, (Catalonha), es un òme politic francés e lo primièr ministre del govèrn de François Hollande, president de la Republica francesa dempuèi lo 1 d'abrial de 2014.

Membre del Partit Socialista (PS), èra Cònsol màger d'Évry (2001), e deputat de la primièra circonscripcion d'Essonne (2002). Conselhièr especial del candidat socialista François Hollande pendent la campanha presidenciala de 2012, Foguèt nomenat lo 16 de mai de 2012 ministre de l'Interior dins lo govèrn de Jean-Marc Ayrault e dos annadas après primièr ministre del govèrn de François Hollande.

Lo govèrn de Manuel Valls es lo 36n govèrn de la cinquena Republica francesa dempuèi lo 1 d'abrial de 2014, s'agís del segond govèrn nomenat pel president de la Republica François Hollande.

Mandats e foncions

Al nivèl local

• 17/03/1986 - 22/03/1992 : conselhièr regional d'Illa de França
• 11/03/1989 - 18/06/1995 : 12ⁿ adjunt al cònsol d'Argenteuil
• 18/06/1995 - 31/12/1998 : 2^nd adjunt al cònsol d'Argenteuil
• 23/03/1992 - 15/03/1998 : conselhièr regional d'Illa de França
• 24/03/1998 - 27/06/2002 : 1^èr vicepresident del Conselh Regional d'Illa de França
• 20/06/2002 - 18/11/2002 : conselhèr regional d'Illa de França
• 18/03/2001 : cònsol màger d'Évry
• 07/04/2008 : president de la Comunautat d'Aglomeracion Évry Centre Essonne

Al nivèl nacional

• 18/06/2002 : deputat de la Premièra circonscripcion de l'Essonne]
• 16/05/2012 - 31/3/2014 : Ministre de l'Interior

Al Partit socialista

• 1993 - 1994 e 1995 - 1997 : secretari nacional encargat de la comunicacion
• 2003 - 2004 : secretari nacional encargat de la coordinacion e de l'organizacion
• 1993 : membre del burèu nacional e del conselh nacional.