Lo Seriòl

Lo Seriòl o Lou Seriol en grafia de l'Escòla dau Pò (qu'es una varianta de L'esquiròl) es un grop de musica nascut en 1992 de las Valadas Occitanas. Lo Seriòl chanta mai que mai en lenga occitana. La lora musica mescla lo patrimòni cisalpenc o mai generalament occitan (borrèias, rigaudons, correntas, chançons tradicionalas...) a l'ska e al rock. Lor primièr album "Persi Pien" sortiguèt en 2000.

Istòria

Lo grop foguèt fondat dins la vila d'Aison (Província de Coni). Los membres del grop èran alara adolescents de 12 a 15 ans encoratjats per Sèrgi Berardo, lo gavidaire del grop Lo Dalfin qui èra lo professor de musica de quauques membres del grop. Lou Seriol es un grop de musicians italians, originari del Piemont, que canta essencialament en occitan.

Era l'espòqua del rock alternatiu. Escotèran Les Négresses Vertes e lor novèla musica populara.

Uèi, son convidats en Italia, en Espanha, en França, en Austria, en Holanda.

Nascut del moviment dich « tradinovatritz », lo grop perliga musica tradicionala e rock'n'roll. Aital, an compausat tant ambe d’accordeon o ambe de flavuta, qu’ambe d’instrumens coma la guitara electrica o la diana. Tot en poisant dins lo repertòri tradicional italian, Lou Seriol ajusta sa tòca personala energisanta. Fòrça festiu, lo grop pròche de Massilia Sound System a notament colaborat amb Papet J.

Membres del grop

• Stefano Degioanni : cant
• Edoardo Degioanni : organetto, claviers
• Giampiero Beltrando : flaüta, cornamusa
• Adriano Rovere : guitarras
• Marco Ferrua : baissa
• Roberto Gaia : bateria, percussions

Discografia

• Persi Pien (2000)
• Reviori (2005)
• Ambe vos (2009)

Ligams extèrnes

• a Youtube
• Laiseme a Youtube
• Sit del grop (it)
• https://louquinse.com/
• https://www.louseriol.it/