Enzimologia

L'enzimologia qu'ei la disciplina qui estúdia los enzims e las reaccions quimicas que catalisan. Los dus pretzhèits principaus de l'enzimologia que son l'estudi (aperat cinetica enzimatica) de la vitessa de desenvolopament de las reaccions quimicas e l'estudi de l'estructura deus enzims e la classificacion de las moleculas enzimaticas segon ua nomenclatura EC.

La cinetica enzimatica que's basa sus la vitessa d'aparicion e de desaparicion deus substrats e de produt. Aqueths que pòden estar quantificats mercés a la colorimetria (en tot calcular la densitat de produt mercés a la densitat de la soa color o de la color d'un produt quimic qui reageish dab eth).

La cinetica enzimatica qu'estúdia l'interferéncia deus inibitors, elements qui pòden ralentir la reaccion quimica catalizada per tau o tau enzim.

Per un enzim simple òm pòt apitar un grafic de reaccion establir l'equacion de Michaelis-Menten :

$V_{i}={V_{\mathrm {max} }\cdot [S] \over K_{m}+[S]}$

on $V_{i}$ qu'ei la vitessa iniciau, $V_{\mathrm {max} }$ la vitessa maximau (dab ua quantitat maximau de substrat) e $K_{m}$ la constanta de Michaelis-Menten especifica d'un enzim particular.