Els Segadors

Un article de Wikipèdia, l'enciclopèdia liura.
Infotaula òbra musicalaEls Segadors
Els segadors.jpg
Corpus de sang, H.Miralles (1910).
Modifica el valor a Wikidata
Títol originalEls segadors
Formaimne nacional
Tonalitatmi menor (ca) Traduire Modifica el valor a Wikidata
CompositorFrancesc Alió i Brea (ca) Traduire (1892) Modifica el valor a Wikidata
Letra deEmili Guanyavents i Jané (ca) Traduire (1897) Modifica el valor a Wikidata
Lenga originalacatalan Modifica el valor a Wikidata
Publicacion1899 Modifica el valor a Wikidata

Els Segadors es l'imne nacional oficial de Catalonha. La siá origina data de la Guèrra dels Segadors, pendent lo sègle XVII.

Las paraulas actualas son d'Emili Guanyavents e datan de 1899.

Fa servir elements de tradicion orala qu'èran ja estats reculhits anteriorament per l'escrivan e filosòf Manuel Milà i Fontanals en 1882. La version musicala es de Francesc Alió, que la compausèt en 1892 en adaptant la melodia a la cançon qu'existissiá ja. Se pòt véser darrièr l'imne una cançon primitiva nascuda per l'insurreccion de Catalonha en 1640: la guèrra dels catalans contra lo rei d'Espanha Felip IV.

L'imne fa una crida per defensar la libertat de la tèrra.

A ran de la lei del Parlament de Catalonha lo 25 de febrièr de 1993, Els Segadors foguèt declarat l'imne de Catalonha.

Lo registre sonòr oficial foguèt realizat e presentat en 1994.

Istòria[modificar | Modificar lo còdi]

Quand esclatèt la Guèrra de Trenta Ans, en 1618, al començament per causas religiosas, a mai se s'i barrejavan questions politicas e economicas, Felip IV d'Àustria, rei d'Espanha, i participèt obligat per sa parentat amb l'emperaire alemand de la dinastia dels Habsborg.

Pr'aquò las guèrras que còstan car, e una guèrra tan longa arroïnèt la tresaurariá reiala. Es atal que se demandèt que Catalonha aportèsse tanben òmes e argent a la guèrra. Aquò portèt un rebufal profond e l'indignacion de la populacion catalana, que se vegèt forçada d'aculhir las tropas imperialas per tal de defensar la frontièra espanhòla de l'ataca francesa.

Los actes del comte-duc d'Olivares, primièr ministre de Felip IV, entrainèron un grand òdi dins lo pòble catalan, pr'amor de la violéncia e dels abuses dels soldats sieus, e plan de vilas se revoltèron. Lo jorn del Còrpus de 1640 comencèt a Barcelona la revòlta dels dalhaires (l'anomenat Còrpus de Sang). La Generalitat e lo conselhièr en cap, Pau Claris, foguèron favorables als revoltats.

De la Guèrra dels Segadors, s'es conservat la musica de çò qu'aprèp es vengut l'Imne Nacional de Catalonha e simbòl de l'identitat catalana, Els Segadors.

Los dos tèxtes pus espandits son estats l'istoric, publicat ja per Milà i Fontanals en 1882 dins lo sieu Romancerillo Catalán e, dins la primièra edicion musicala, per Francesc Alió en 1892 dins lo sieu recuèlh de Cançons populars catalanes, e l'actual d'Emili Guanyavents, lo mai politic e reivindicatiu, ganhaire d'un concors convocat amb aquesta finalitat per l'Unió Catalanista en 1899 e que provoquèt una polemica publica e jornalistica passionada.

Amb l'adaptacion d'Emili Guanyavents, las paraulas originalas dels Segadors foguèron simplificadas, reduïdas de sièis estròfas a tres, las que se cantan actualament.

Demest los nombroses arranjaments collectius de l'imne nacional catalan, los mai espandits e coneguts probable son lo de Francesc Pujol, per las còblas, lo de Joan Lamote de Grignon, per las bandas, e l'armonizacion corala de Josep Viader. Recentament es estada faita una version per còr e orquèstra sinfonica, òbra d'Antoni Ros Marbà. Existís una version en musica makina d'aqueste imne.

Paraulas[modificar | Modificar lo còdi]

Els Segadors
Els Segadors (instrumental)
Paraulas originalas
de version modèrna
Traduccion literala
Catalunya triomfant,

tornarà a ser rica i plena.
Endarrere aquesta gent
tan ufana i tan superba.

Bon cop de falç!
Bon cop de falç, Defensors de la terra!
Bon cop de falç!

Ara és hora, segadors.
Ara és hora d'estar alerta.
Per quan vingui un altre juny
esmolem ben bé les eines.

Bon cop de falç!
Bon cop de falç, Defensors de la terra!
Bon cop de falç!

Que tremoli l'enemic
en veient la nostra ensenya.
Com fem caure espigues d'or,
quan convé seguem cadenes.

Bon cop de falç!
Bon cop de falç, Defensors de la terra!
Bon cop de falç!

Catalonha triomfant,

tornarà èsser rica e plena.
Endarrièra aquelas gents
amb tan d'ufan e supèrba.

Bon còp de fauç!
Bon còp de fauç, Defensors de la tèrra!
Bon còp de fauç!

Ara es l'ora, segadors.
Ara es l'ora sètz a l'espèra.
Per quand vendrà un autre junh
amolam plan ben las asinas.

Bon còp de fauç!
Bon còp de fauç, Defensors de la terra!
Bon còp de fauç!

Que tremòle l'enemic
en vesent la nòstra ensenha.
Coma dalham espigas d'aur,
quand nos cal segam cadenas.

Bon còp de fauç!
Bon còp de fauç, Defensors de la tèrra!
Bon còp de fauç!

Véser tanben[modificar | Modificar lo còdi]

Ligams extèrnes[modificar | Modificar lo còdi]