Edward Snowden

Un article de Wikipèdia, l'enciclopèdia liura.
Anar a : navigacion, Recercar
Edward Snowden

Edward Joseph Snowden (Wilmington, Carolina del Nòrd, 21 de junh de 1983) es un ancian tecnician e emplegat de la CIA, que trabalhèt per una entrepresa en contracte amb l'agéncia nacionala de seguretat dels Estats Units (NSA), conegut per aver revelat a la premsa d'informacions classificadas sul programa de susvelhança electronica massisa de l'agéncia nacionala de seguretat dels Estats Units.[1][2]). D'en primièr, Snowden revelèt amb The Guardian d'informacions classificadas sus diverses programas nautament secrets de l'agéncia nacionala de seguretat dels Estats Units, inclusissent l'intercepcion de metadonadas telefonicas als Estats Units e lo programa de susvelhança PRISM, que lo jornal britanic publiquèt en junh de 2013. Snowden pretendèt que los esbrudiments èran un esforç per informar lo public sus çò que se faguèt en lo seu nom e çò que se faguèt contra el meteis[3][4][5]

Aprèp aquelas revelacions, Snowden foguèt acusat d'espionatge[6] e de panatòri de propietat del govèrn dels Estats Units. Aquelas revelacions son lo fruch d'una de las divulgacions mai importantas de l'istòria de l'agéncia nacionala de seguretat dels Estats Units.[7] Segon Matthew M. Aid, istorian dels sevicis de rensenhaments, las divulgacions oganizadas per Snowden confirmèron las suspicions prigondas qu'existissián a l'entorn de l'idea que l'agéncia nacionala de seguretat dels Estats Units exerçava una susvelhança fòrça mai intrusiva qu'o semblava.[8]

Lo 14 de junh de 2013, lo procuraire federal dels Estats Units presentèt una demanda, que foguèt donada al public lo 21 del meteis mes,[9][10] acusant Snowdent de panatòri de proprietat del Govèrn, comunicacion non autorizada d’informacion de defensa nacionala e comunicacion deliberada d’informacion classificada de comunicacions d’intelligéncia a de personas non autorizadas (doas acusacions basadas sus la lei sus l'espionatge dels Estats Units de 1917).[11]

Lo 23 de junh de 2013, lo govèrn d'Hong Kong anoncièt qu'aviá autorizat la sortida del país de Snowden.[12] Segon lo New York Times, Snowden hauria daissèt Hong Kong per anar cap a Moscòu dins un avion de la companhiá Aeroflot.[13]

Referéncias[modificar | modificar la font]

  1. Error de Lua a Mòdul:Data a la línia 203: attempt to call field 'erreur' (a nil value).
  2. "wash2">Error de Lua a Mòdul:Data a la línia 203: attempt to call field 'erreur' (a nil value).
  3. "wash2"
  4. Error de Lua a Mòdul:Data a la línia 203: attempt to call field 'erreur' (a nil value).
  5. "guardian-reveal">Error de Lua a Mòdul:Data a la línia 203: attempt to call field 'erreur' (a nil value).
  6. Washington Post 22 de junh: U.S. charges Snowden with espionage
  7. nytgchq>Error de Lua a Mòdul:Data a la línia 203: attempt to call field 'erreur' (a nil value).
  8. nytgchq
  9. Error de Lua a Mòdul:Data a la línia 203: attempt to call field 'erreur' (a nil value).
  10. Greenwald, Glenn "On the Espionage Act charges against Edward Snowden" The Guardian, 22 de junh de 2013
  11. Error de Lua a Mòdul:Data a la línia 203: attempt to call field 'erreur' (a nil value).
  12. N.S.A. Leaker Leaves Hong Kong, Local Officials Say
  13. [http://www.nytimes.com/2013/06/24/world/asia/nsa-leaker-leaves-hong-kong-local-officials-say.html?hp