Central Intelligence Agency

Un article de Wikipèdia, l'enciclopèdia liura.
Sagèl de la CIA

La Central Intelligence Agency (CIA, « Agéncia centrala d'entresenha »), fondada en 1947 pel National Security Act, es una de las agéncias d'entresenha pus coneguda del Estats Units. Es encargada de l'acquisicion de l'entresenha (en particular per l'espionatge) e de las operacions clandestinas efectuadas fòra d'aqueste país. Ten l'estatut juridic d'agéncia independenta del govèrn dels Estats Units. La CIA a tres activitats principalas tradicionalas, que son: amassar d'informacion subre de govèrns estrangièrs, d'entrepresas, e d'individus; analizar aquela informacion, per poder fornir d'entresenhas de secutitat nacionala als politicians estadusinencs e a la demanda del President dels Estats Units, efectuar d'operacions secretas e operacions tacticas pels seus emplegats pròpis, o pels militars. Pòt, per exemple, exercir una influéncia politica estrangièra a travèrs de sas divisions tacticas, coma la Division d'Activitats Especialas.