Donets
| Donets (Severski Donets) | |
|---|---|
 | |
| SeverskyDonets2.png | |
| Caracteristicas | |
| Longor | 1 053 km |
| Bacin | 98 900 km2 |
| Debit mejan | 185 m3⋅s-1 |
| Regim | nivopluvial de plana |
| Riu | |
| Confluéncia | Don |
| Geografia | |
| Païses traversats |  Russia Ucraïna
|
Donets o Severski Donets (en rus: Северский Донец ; en ucraïnian : Сіверський Донець ; tanben Donetz) es una ribièra de Russia e d'Ucraïna, afluent en riba dreta de Dòn. Donets es long de 1 053 km. Travèrsa lo sud-oèst de Russia e l'èst d'Ucraïna e drena un bacin d'una superfícia de 98 900 km2.
Cors de la ribièra
[modificar | Modificar lo còdi]Donets raja en Ucraïna sus 720 km, mas la font se situa aperaquí 100 km al nòrd de la vila de Belgorod en Russia. Se geta dins Don un pauc al sud del vilatge d'Ost-Donetski tanben en Russia. Donets nais sul plan de la Russia centrala e travèrsa l'óblast de Korsk al sud de la zona de las nautas tèrras a una altitud de 215 m. Arribat a Belgorod, es praticament a la meteissa altitud : sa penda, febla, es de un mètre per quilomètre. Travèrsa lo lac de Petchenihy (86 km2) qu'alimenta la vila de Kharkiv en aiga doça. Raja puèi long dels pueges de Donets puuèi s'escampa dins Don qu'acaba dins la mar d'Azov 150 km en aval.
Afluents
[modificar | Modificar lo còdi]Los afluents pus importants de la ribièra son :
- Korocha (riba esquèrra)
- Vovocha (ukr. Вовча)(riba esquèrra)
- Oskol (riba esquèrra)
- Kazenny Torets (riba drecha)
- Aidar (riba esquèrra)
- Derkol
- Kalitva (riba esquèrra)
- Bistraia (riba esquèrra)
- Lohan (riba drecha)
- Ody (riba drecha)
- Bakhmota
Vilas traversadas
[modificar | Modificar lo còdi]Las aglomeracions pus importantas situadas ssr las ribas son d'amont cap aval :
- Belgorod (Russia)
- Vovtchansk (Ucraîna)
- Chohoiv (Ucraïna)
- Zmiiv (Ucraïna)
- Yzium (Ucraïna)
- Robijne (Ucraïna)
- Lyssytchansk (Ucraïna)
- Sievierodonetsk (Ucraïna)
- Donetsk (Russia)
- Kamensk-Chakhtinski (Russia)
- Ost-Donetski (Russia)
Idrologia
[modificar | Modificar lo còdi]Las aigas de Donets venon en majoritat de las aigas de pluèja e de la fonda de las nèus. Las aigas nautas an luòc en març e subretot en abrial. Son cors es navegable sus 315 km, mas es pres per la glaça de decembre a mi-març.
Idrometria - Lo debit a Bielaia Kalitva
[modificar | Modificar lo còdi]Lo debit de la ribièra foguèt observat pendent 47 ans (periòde 1933 - 1985) a Bielaia Kalitva, vila de Russia situada just en aval del jonhent amb Kalitva, es a dire a qualques 100 quilomètres en amont del jonhent amb Dòn[1].
A Bielaia Kalitva, lo debit anadièr mejan o modul observat sus aqueste periòde èra de 151 m3/s per una superfícia de drenatge de mai o mens 80 900 km2, siá aperaquí 82 % de la totalitat del bacin versant de la ribièra que n'en compta 98 900. La lama d'aiga d'escolament annadièr dins lo bacin se montava a 59 millimètres, çò que pòt èsser considerat coma francament feble, e resulta de la relativa raretat de las precipitacions dins l'ensemble del bacin.
Lo debit mejan mesadièr observat en setembre (minimum d'etiatge) es de 46,5 m3/s, siá mai o mens 8 % del debit mejan del mes d'abrial (577 m3/s), çò que soslinha l'amplitud importanta de las variacions sasonièras. Sus la durada d'observacion de 47 ans, lo debit mesadièr minimal foguèt de 9,78 m3/s en agost de 1972 - après un ivèrn gaireben sens nèu -, mentre que lo debit mesadièr maximal s'enauçava a 2 410 m3/s en abril de 1942.
Nòtas e referéncias
[modificar | Modificar lo còdi]Veire tanben
[modificar | Modificar lo còdi]Ligams extèrnes
[modificar | Modificar lo còdi]- (ru) Le Donets dans la Grande Encyclopédie soviétique