Discutir:Liga dei Campions de l'UEFA 2009-2010

Vòli pas èstre pesant, ieu tanpauc, mai aquò illustra ben çò que t'ai dich dins la discussion "Absurd (grop de musica)". Per tu, lo mot "promier" a jamai existit e fau que tot lo monde l'oblida leu per que parlam totei la meteissa lenga exactament... E sustot pas que leis aprenants nòus vegon aquela forma, escondre leu la realitat lingüistica... Escampar la meçònja... Quand disi "per tu..." es pas una ataca personala, mai una ataca còntra la logica centralisatritz occitana extrèma (que sembles sostenir). Compreni d'a fons que sariá fòrça utile s'utiliziam totei la meteissa forma de la lenga, mai aquò es una utopia. Nos fau parlar una lenga naturala e non pas artificiala. Que n'en penses ? --Rafèu de Provença (d) 13 abril de 2010 a 10.55 (UTC)

Francament, de parlar de «logica centralizatritz extrèma» me pareis gaire apropriat (me conoisses mau). Ai fach en Provença e alhors d'enquistas dialectalas vèrs de locutors «naturaus» de la lenga, e ai poscut mesurar la distància entre la lenga deis occitanistas (m'i meti) e la lenga, fòrça rica, d'aquelei locutors (cf. lo famós mèfi, qu'emplegan jamai: es mai de francitan).
Se tròba promier dins de produccions de sòcis de l'Ostau dau País Marselhés, que defendon lo parlar marselhés: quand se liège leis autors marselhés que mestrejan ben sa lenga, coma Gelu o Ros de Masargas, se tròba jamai aquela forma, mai unicament la forma classica premier, pron frequenta en Provença. Lo TDF senhala proumié e remanda a premié, forma privilegiada per Mistral (que ne balha 29 en tot!); lo diccionari d'Avril (publicat avans lo TDF) fasiá parier; lo diccionari provençau-francés de la seccion provençala de l'IEO senhala promier, e remanda a premier. La nòrma dau CLO accèpta lei variantas principalas (cf. Primièr cònsol).
Ont es l'apauriment de la lenga? (es necessari de conservar un trentenau de formas? Se la riquesa de la lenga depend dau nombre de variantas, paura riquesa, s'ausi dire). Vivarés (d) 13 abril de 2010 a 13.01 (UTC)

Vau èstre breu aqueu còup : se la lenga dispausa de trenta formas, devèm lei promòure totei. Es fòrça pretenciós de dire qu'aquela forma es melhora qu'aquesta. S'ai ben comprés la logica deis occitanistas es de tuar de parlars, de purificar la lenga en privilegiant certanas formas, e d'"artificializar" la lenga ? Alora aquò es pas per ieu e comenci de comprene lei regionalistas que refutan tot çò que ven deis occitanistas, perqué élei tuan la varietat lingüistica... E aquò es triste... Sensa rancuna, es just un debat... --Rafèu de Provença (d) 13 abril de 2010 a 17.46 (UTC)