Diggers (San Francisco)

Pels articles omonims, vejatz Diggers (omonimia).

Los Diggers es un collectiu contracultural anarquista basat a San Francisco, actiu entre 1966 e 1969, animat subretot per Kenny Wisdom, aliàs Emmett Grogan. Eissit en partida de la San Francisco Mime Troup, aquel collectiu se dissolguèt dins d'autres projèctes comunautaris, comunalistas e ecologistas. Atal se nomenèron en omenatge al Diggers angleses del sègle XVII. Lo collectiu de San Frnacisco es davancièr de collectius actuals coma Food not bombs o Les restos du coeur.

Foguèt en distribuissent de majar als marginals pendent lo periòde del "Flower Power" qu'aquel collectiu mostrèt la coeréncia de son combat.

La San Francisco Mime Troup

En 1959, a San Francisco, Ron G.Davis creèt la San Francisco Mime Troup, una tropa de teatre de carrièra. Se pagava al capèl dins fòrça pargues de la vila, après aver paradat masquetat per las carrièras. La tropa se consacrava alara a d'espectaclas de commedia dell'arte, forma teatrala masquetada jogant la caricatura e la distanciacion. Ron Davis, militant pròche de la Novèla Esquèrra, aviá estudiat lo mim a París e ja montat d'autors europèus amb lo Actors Workshop de San Francisco, mas volgava abordar de questions politicas amb d'autres publics qu'aqueles del teatre bastit.

Mas per jogar en public dins los pargues de San Francisco, cal demandar l'autorizacion a la prefectura de polícia. L'estiu de 1965, aquela refusèt una representacion d' Il Candelaio de Giordano Bruno, filosòf italian de la Renaissença, la jutjant "obscèna". La tropa pasmens manten l'espectacla e invita de militants e d'artistas engatjats a los sosténer. La polícia èra presenta, mas la tropa monta sus l'enpont e anóncia jogar "per lor plaser mai grand" una scèna d'arrestacion. La polícia los arresta sul còp, jols crits e tusts de la fola. Es una de las primièras forma de çò que Peter Berg e Ron Davis nomenon lo teatre guerilha.

La tropa es compausada e sostenguda pels militants del Free Speech Movement, los cineastas del Newsreel, dels beatniks, los artistas e autres abitants de San Francisco. Comptava fins a 75 membres. En 1966, la tropa invitèt d'autres abitants, artistas e actors socials a soscar la decentralizacion de las institucions culturalas e la necessitat de partejar la cultura amb las populacions desfavorizadas. Sus aquela basa foguèt creada l'ALF, Frent de Liberacion dels Artistas, suggerissent de dolenças als poders publics e iniciant un festenal d'arts gratuit per la vila.

Bibliografia

(fr) Emmett Grogan (Kenny Wisdom), Ringolevio. Une vie jouée sans temps morts..., éditions Gallimard, 1998, notice éditeur, ISBN: 2070746844.
(fr) Alice Gaillard, Les Diggers. Révolution et contre-culture à San Francisco (1966-1968), éditions de l'Échappée, 2009, ISBN: 978-2915830-18-7.
(fr) Vincent Ostria, Les Diggers (1966-1968), des anars chez les hippies, Les Inrocks 6 d'octobre de 2014 en linha.

Vejatz tanben

Articles conèxes

Ligams extèrnes

(en) archius dels diggers