Free Speech Movement
Lo Free Speech Movement, que se poiriá traduire per « Movement per la libertat d'expression », es un movement de contestation estudiant que se manifesta pendent l'an escolar 1964-1965 sul campus de l'universitat de Berkeley. Los seus líders informals èran los estudiants Mario Savio, Hal Draper, Brian Turner, Steve Weissman, Art Goldberg, Bettina Aptheke e Jackie Goldberg. Aquel tipe de manifestacion èra totalament inedita per l'epòca. Los estudiants protestavan contra l'interdiccion presa per l'administracion de l'universitat d'exercir d'activitats politicas sul campus.
Lo Free Speech Movement cridava la reconeissença de la libertat d'expression e de la libertat academica dels estudiants.
L'afar Weinberg
[modificar | Modificar lo còdi]L'1 d'octobre de 1964, Jack Weinberg, un ancian estudiant, refusa de mostrar son badge a la polícia del campus e foguèt arrestat. Los estudiants s'amassèron a l"entorn de las veituras de polícia que devián lo menar. Weinberg quita pas lo veícul que foguèt imobilizat pendent 32 oras, enrodat per 3 000 estudiants. Lo sètge dels veículs durèt fins a l'abandon de las cargas contra Weinberg.
Seguida
[modificar | Modificar lo còdi]Lo movement contunhèt sul campus de Berkeley e provoquèt de movements per las libertats civilas dins los ans 1960 e subretot del movement hippie.
Bibliografia
[modificar | Modificar lo còdi]- David Goines, The Free Speech Movement: Coming of Age in the 1960s, Berkeley, Ten Speed Press, 1993. ISBN 0-89815-535-5
- Lunsford, Terry F., The "Free Speech" Crises at Berkeley, 1964-1965: Some Issues for Social and Legal Research, A Report form the Center for Research and Development in Higher Education, University of California, Berkeley, December 1965.
- Sheldon S. Wolin et John H. Schaar, The berkeley Rebellion and Beyond: Essays on Politics & Education in the Technological Society, A New York Review Book, 1970.