Cròs de la Faja

Un article de Wikipèdia, l'enciclopèdia liura.
Salta a la navegació Salta a la cerca

Lo cròs de la Faja es una cavitat rocosa situada a Noalhas, sul Causse de Martèl e lo departament de Corresa.

Presenta un grand nombre de concrecions rocosas al sen de l'avenc e es la sola cavitat dobèrta al public de tota la region de Lemosin. Las galariás visitablas se devesisson en 2 ensems que se percorrisson successivament; l'escalièr d'accès dona sus l'avenc grand, que es la consequéncia de l'esfondrament de la vòlta. La primièra partida, a esquèrra, embarra de bèlas drapariás en forma de medusas, d'una granda riquesa de colors. Dins la sala dels òrgues, las concrecions son utilizadas coma xilofòns. La segonda partida, rica en estalactitas e estalagmitas, presenta un bòsc d'agulhas penjant del plafon. Dins la darrièra sala s'entreprenguèt de cavaments per desclapar d'ossamentas preïstoricas.

Lo site es conegut per abrigar de nombrosas colonias de ratapenadas (11 espècias en ivèrn, 4 en estiu).

Ligams extèrnes[modificar | modificar la font]