Causse de Martèl
  | |
 | |
| Tipe | Region naturala de França e contrada d'Occitània |
|---|---|
| Part de | Causses de Carcin |
| Estat | França |
| Region istorica | Carcin e Occitània |
Lo Causse de Martèl es una region naturala d'Occitània situada al centre oèst del Massís Central. Es un replanat calcari al nòrd del riu de Dordonha que fa partida dels Causses de Carcin, que n'es lo mens elevat, amb una altitud d'aperaquí 300 m. Pren lo nom de sa vila principala, Martèl. Las regions naturalas vesinas son lo Causse de Gramat e Limarga en Carcin e lo Peiregòrd Negre, lo Bacin de Briva e la val bassa de la Dordonha Corresana en Lemosin.
Es despartit entre los departaments d'Òlt e de Corresa.
Lo Causse Corresan
[modificar | Modificar lo còdi]
La partida del Causse de Martèl situada dins lo departament de Corresa es apelada lo Causse Corresan, a bada qu'aquesta denominacion, puslèu politica (valorizacion del causse en tant que comunautat de comunas) que geografica e sociologica, siá pas vertadièrament reconeguda. Es una microregion d'aperaquí 60 km². En efièch, i a una semblança entre son relèu, son clima, mas subretot sa vegetacion e sa geologia e aquels del Massís Central. Cal remarcar la Cauna de la Boissièra e la formacion al Jurassic del Cròs de la Faja, site del Malhum Natura 2000 despuèi 1999, la soleta cavitat sosterranha del departament dobèrta al public.
