Copa del mond de rugbi de XV
La Copa del mond de rugbi de XV es una competicion internacionala de rugbi de XV que se debana totes los quatre ans dempuèi 1987. Es dobèrta a totas las federacions reconegudas per World Rugby. La primièra edicion se debanèt en 1987 en Nòva Zelanda e Austràlia.
Solas quatre nacions figuran al palmarés de la Copa del mond. La Nòva Zelanda, ganhèt tres còps en 1987, 2011, 2015. Austràlia en 1991 e 1999 e Sud-Africa en 1995 e 2007 emportèt caduna la competicion dos còps. Anglatèrra a ganhat l'espròva en 2003, sol país de l'emisfèri Nòrd a s'apoderar del trofèu planetari. França es estada presenta tres còps en finala (1987, 1999, 2011), sens pas jamai ganhar. Cap autra nacion accediguèt a la finala.
Lo trofèu recompensant lo venceire d'aquela competicion es sonat William Webb Ellis Trophy, en omenatge a l'estudiant que, segon la legenda, auriá inventat lo rugbi en 1823.
Lo país organizaire de la Copa del mond es designat per World Rugbi. Japon organizèt la mai recenta edicion en 2019. Per 2023, lo país òste serà França.
Nòtas e referéncias
[modificar | Modificar lo còdi]- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Coupe du monde de rugby à XV ».