Confetti's
Format en 1988, Confetti's èra un grop anglofòn house de Belgica emblematic del genre New beat.
Confetti's èra compausat del cantaire Peter Renkens (20 de julhet de 1967 - 14 de febrièr de 2023)[1] e de quatre dançairas, Marleen, Tania, Hilde e Daniella.
L'idèa èra a la debuta de far la promocion de la discotèca Confetti's situada a Brasschaat còsta Anvèrs (Belgica). Lo productor Serge Ramaekers e Dominique Sas desiravan promòure aquela discotèca : prepausèron alavetz al servidor, Peter Renkens, d'incarnar l'imatge d'aquela campanha publicitària. Es aital qu'enregistrèron en estúdio un títol house, The sound of C, que va lèu venir una capitada colossala a la tota fin de 1988 : Confetti's ven alavetz l'un dels grops màgers del genre New Beat e ne ven de facto lo pòrtaparaula informal. Enregistran alavetz d'autres títols amb succès coma C Day, o encara C in China que conten un escapolon dels Concèrts en China de Jean-Michel Jarre.
Lo grop se separa en 1991.
Cançons mai conegudas
[modificar | Modificar lo còdi]- The Sound Of C (1988)
- C In China (1989, amb un escapolon de Souvenir de Chine de Jean-Michel Jarre)
- C Day (1989)
- Circling Stars (1989, represa de Jingle Bells de James Lord Pierpont)
- Put'M Up - Your Hands (1990)