Coelacanthiformes
Un Latimeria chalumnae, observat en Africa del Sud lo 22 de novembrede 2019
| Règne | Animalia |
|---|---|
| Embrancament | Chordata |
| Sosembr. | Vertebrata |
| Superclassa | Osteichthyes |
| Classa | Sarcopterygii |
| Sosclassa | Actinistia |
Los Coelacanthiformes o Celacants son un òrdre de peisses sarcopterigians. N'existisson de fossils nombroses e doas espècias viventas conegudas, del genre Latimeria (Latimeria chalumnae e Latimeria menadoensis). An pauc evoluït morfologicament dempuèi 350 milions d'annadas (Ma) e semblan als aujòls aqüatics dels vertebrats terrèstres (que ne son pròches, qu'apertenon a la meteiassa classa). Tenon una pòcha de gas amb de parets espessas qu'es lo vestigi d'un palmon ancestral que fasián servir quora vivián prèp de la susfàcia, tant en aiga doça coma en aiga salada ; demòra en çò de las espècias contemporanèas, e mai qu'aquelas sián cantonadas a las grandas prigondors. Aquela caracteristica, e tanben la forma e lo movement de las soas aletas, menèt sovent a qualificar las doas espècias actualas — a tòrt — de « fossils vivents » ; es de notar que las apellacions, pus tecnicas, de forma pancronica o forma transicionala, son tanben erronèas : es mai corrècte de parlar d'espècia relica[1].
Las doas espècias actualas de Celacants son amenaçada d'escantiment. Lo primièr individú recensat (de l’espècia Latimeria chalumnae) foguèt pescat long de la còsta èst-africana en 1938. Lo grop plus important — aperaquí 300 individús — viu a las Comòras.
Referéncias
[modificar | Modificar lo còdi]- ↑ . The Conversation..