Cluquet

Lo jòc de cluquet/cloquet, cluguet, cluqueta f., clunhet o cataòrba f., catabòrnia^[1] o tartarin-tartana (gasc. cluc, clucas f. pl., peishigacuu; prov. meni-mon-ai, bòrni, arrapa-arrapa; lem. cachamita f., cacha-mita-bòrlha f., chatamita f. o martin campat^[2]^[3]; viv. chatamusa) es una varianta del jòc del lop.

Descripcion

Lo caçaire (lo que cluca o clunha) ten los uèlhs bendats e los caçats viran a l'entorn d'el (sens tròp s'alunhar) en evitant de se far tocar. Se lo caçaire capita a tocar un autre jogaire, aqueste s'immobiliza e daissa lo caçaire li tocar la cara. Se lo caçaire reüssís a reconéisser la persona al tocar, alara aquesta pren la plaça del caçaire. De variantas prepausan de jogar amb una campaneta o una bagueta.

Precaucions : com l'un dels jogaires a los uèlhs bendats, es important de jogar dins un espaci sens obstacles, per qu'aquel jogaire se faga pas mal. A França sègle XVIII es sovent representat dins de pinturas de scènas galantas, òm lançava lo crit d'alèrta «gare le pot au noir» o «gare le pot à la graisse» quand lo caçaire riscava de se trucar a un obstacle.^[4]

Grècia antica

En Grècia antica, òm practicava una sòrta de catòrba sonat la mosca de bronze (en grèc: μυῖα[8]). Es subretot descrich per Sueton e per Pollux. Lo jòc èra acompanhat de dos verses paremiacs. L'enfant dels uèlhs bendats cercava a atrapar los autres en disent « Vau córrer après una mosca de bronze » ; sos companhs de jòcs que l'entornejavan, l'atissavan o lo picavan amb la man o bendeletas de papirus, li respondián « Li correràs après, mas l'atraparàs pas ».

Dins la literatura

Dins una de sas composicions màgers Visions of Johanna de 1966 l'autor-compositor Bob Dylan, prètz Nobel de literatura en 2016, evoca aquel jòc al començament del segond coblet de la cançon poèma : « Dins lo terrenh vuèg ont las damas fan a cluquet amb lo pòrta-clau » (« In the empty lòt where the ladies play blindman's bluff with the key chain »).

Nòtas e referéncias

↑ catela/cateta òrba, capitòrba, capitòria, co(n)tòrba
↑ R52_192_HIVER_1983.pdf (garae.fr)
↑ R52_016_06_1939.pdf (garae.fr)
↑ . www.historia.fr.

Articles connèxes

Jòc del lop
Marco Polo, varianta americana que jòga dins una piscina.

Amagatada

[1] catela/cateta òrba, capitòrba, capitòria, co(n)tòrba

[2] R52_192_HIVER_1983.pdf (garae.fr)

[3] R52_016_06_1939.pdf (garae.fr)

[4] . www.historia.fr.

[1]

[2]

[3]

[4]