Citrus

Citrus es un genre de plantas angiospèrmas de la familha dei Rutaceae. Contèn plusors espècias d'aubres que produson de fruchs dichs agrums coma l'arange, lo citron, lo pompelmós ò la mandarina. Per aquela rason, fòrça plantas d'aqueu genre son l'objècte d'una domesticacion anciana e de recèrcas son totjorn en cors per assaiar de domesticar d'espècias novèlas ò per realizar de crosaments. D'efiech, leis agrums an d'avantatges importants coma una valor nutritiva interessanta, una pèu espessa que facilita lo transpòrt e una importanta diversitat de gosts, de perfums e de texturas.

Liames intèrnes

• Agrums.

Bibliografia

• (en) Pinhas Spiegel-Roy e Eliezer E. Goldschmidt, The Biology of Citrus, Cambridge University Press, 1996.