Cicle de Krebs

Un article de Wikipèdia, l'enciclopèdia liura.

Lo cicle de Krebs (o cicle de l'acid citric o cicle deus acids carboxilics) qu'ei ua cadena ciclica de reaccions bioquimicas catabolicas realizadas per la respiracion de las cellulas deus organismes aeròbis qui, en tot degradar glucids, lipids o aminoacids, e produseishen moleculas energeticas com lo GTP, lo NADH e lo FADH2, utilizadas dens las reaccions metabolicas qui an besonh d'estar provesidas en energia entà debanà's.

Lo cicle de Krebs qu'ei ua reaccion anfibolica : que pertanha a l'encòp au catabolisme (puish que degrada moleculas entà prodúser ATP) e a l'anabolisme (en bèth prodúser precursor de mantuas moleculas d'estructura de las cellulas. La soa reaccion que's debana dehens la matritz de las mitocondrias.

Cicle de Krebs

Purmèra reaccion catalizada per la citrat sintasa[modificar | Modificar lo còdi]

Reaccion catalizada per la citrat sintasa (ΔG'°=-31,4 kJ/mol)
Citrat sintasa

La purmèra reaccion deu cicle de Krebs qu'ei la sintèsi de citrat per condensacion d'oxaloacetat dab l'acetil-co-A. Aquesta reaccion qu'ei catalizada per la citrat sintasa. Aquesta reaccion qu'ei exergonica (ΔG'°=-31,4 kJ/mol) e, per aquesta rason, irreversibla.

Dusau reaccion catalizada per l'aconitasa[modificar | Modificar lo còdi]

Reaccion catalizada per l'aconitasa (ΔG'°=+6.3 kJ/mol)
Aconitasa

L'aconitasa que cataliza l'isomerizacion deu citrat en isocitrat. Aquesta reaccion qu'ei reversibla mes au prohèit de la formacion de l'isoitrat.