Ch'onma-ho
Lo Ch'onma-ho es un carri de combat principau nòrd-corean concebut e intrat en produccion dins leis ans 1970. Es derivat dau T-62 sovietic mai, per de rasons estrategicas, es unicament constituït de compausants locaus. Es un blindat pauc conegut en defòra dau país mai intègra un canon de 125 mm en plaça dau 115 mm iniciau. Au mens cinc versions principalas son estadas identificadas. La premiera sembla pas d'aver de diferéncias amb lo T-62, mai lei versions ulterioras mòstran l'aparicion de melhoraments imaginats per lei Nòrd-Coreans, probablament per aumentar l'eficacitat dau blindatge e dau contraròtle de tir e per dotar l'engenh de capacitats de combat nuechenc. La produccion es estimada a au mens 1 200 exemplaris. Entre 150 e 200 foguèron exportats en Iran e en Etiopia, mai sei performàncias au combat son desconegudas[1].
Liames intèrnes
[modificar | Modificar lo còdi]Bibliografia
[modificar | Modificar lo còdi]- (en) James Warford, « The Ch'ŏnma-ho Main Battle Tank: A Look at the Present and Future of North Korea's 'Flying Horse' », Armor, setembre de 2005, Fort Knox, US Army Armor Center.
Nòtas e referéncias
[modificar | Modificar lo còdi]- ↑ D'imatges mòstran d'exemplaris destruchs dins la capitala etiopiana, mai la causa d'aquelei destruccions es pas estada identificada.