Cavilha (laüteria)
Ua cavilha en laüteria qu'ei ua pèça (de husta o metau) deus instruments de musica de la familha deu cordofòns (los instruments de còrda) sus laquau e s'enrotlan las còrdas entà las poder tiéner e acordar.
Los instruments de còrdas hregadas qu'an generaument cavilhas de husta en·honsadas dens las parets deu cavilhèr de l'instrument. Quauques instruments com las contrabassas modèrnas e quauques rars vriulons qu'an cavilhas de metau viradas e gahadas per un engranatge (com ac hèn tanben las cavilhas de las guitarras e de la mandolinas modèrnas).
La majoritat de la cavilhas de husta que son d'ebèna mes d'autas menas de husta qu' èran emplegadas a l' epòca barròca mei que mei, mes tanben arron e dinc a uei lo dia.
La còrda mei aguda deu vriulon (la còrda de mi) qu'ei la qui demanda mei de precision entà estar acordada ; per aquesta rason qu'ei enrotlada autorn d'ua cavilha a ua extremitat e gahada per un tienedor a l'aute cap. Aqueth tienedor que mantien la còrda en tirant de l'aute costat de la còrda.
Se lo tienedor qu'ei generaument hicat au cap de la còrda de mi deus vriulons modèrnes, que's pòt potenciaument fixar sus totas la còrdas segon l'agrat deu musician.
