Canberra

De naut en bas, d'esquèrra a drecha : Panorama de la vila dempuèi lo mont Ainslie, ais terrèstre amb l'ancian e lo parlament novèl, memorial australian de la guèrra, Trinhon nacional, Galariá nacionala d'Austràlia, Lac Burley Griffin amb la Bibliotèca nacionala d'Austràlia.

Bandièra

Escut

Geografia fisica

Coordenadas

35° 17′ 35″ S, 149° 07′ 37″ E

Superfícia

814,2 km²

Altituds
· Mejana

578 m

Geografia politica

País

Austràlia

Territòri federal

Territòri de la capitala australiana

Geografia umana

Populacion
(Junh de 2021)

453 558 ab.

Densitat

567,69 ab./km²

Autras informacions

Còde postal

2600 – 2617

Prefix telefonic

0251, 0252, 0261 e 0262

Fus orari

UTC+10

Canberra es la capitala d'Austràlia. Es l'ochena vila d'Austràlia amb una populacion estimada a 453 558 abitants en junh de 2021.^[1] despartida sus una superfícia totala de 805,6 km². La vila es situada a l'extèm nòrd del Territòri de la Capitala Australiana (ACT), a 280 km al sud-oèst de Sydney, e 660 km al nòrd-èst de Melbourne.

Sèti del govèrn australian, Canberra assosta tanben lo Parlament e la Nauta Cor e nombroses ministèris e direccions nacionalas mas es tanben lo sèti de fòrças institucions socialas e culturalas coma la Galariá nacionala, lo National Museum, lo Memorial de guèrra, l'Universitat nacionala australiana, l'Institut dels Espòrts e la Bibliotèca nacionala.

Istòria[modificar | modificar la font]

Lo site de Canberra foguèt causit per i bastir la capitala australiana en 1908 coma un compromés entre sas rivalas Sydney e Melbourne, las doas pus grandas vilas d'Austràlia. Es la sola vila d'Austràlia qu'aperten a cap estat, similara al Districte federal american de Columbia. Sa bastison comencèt en 1913 après un concors internacional remportat per lo parelh d'arquitèctes americans Walter Burley Griffin e Marion Mahony Griffin. La concepcion de la vila foguèt fortament influenciada par l'idèa de vila verda ; aital Canberra presenta de vastas zonas de vegetacion naturala que li vaguèron l'escais de "capitala del bush". Emai que la creissença de la vila siá estada fortament alentida per las doas guèrras mondialas e la crisi economica de 1929, Canberra faguèt flòri après la Segonda Guèrra Mondiala quora lo primièr ministre Robert Menzies encoratjèt son desvolopament e creèt la National Capital Development Commission (Commission pel desvolopament de la capitala nacionala) en li balhant de poders executius. Aquesta commission foguèt supprimida en 1988 e remplaçada per la National Capital Authority (l'Autoritat de la capitala nacionala) qui permet a l'Estat de servar una certa influéncia sul territòri , e mai que siá vengut ara autonòm.

Embessonatges[modificar | modificar la font]

Galaría[modificar | modificar la font]

Ancian ostal del Parlament Australian e memorial de las guèrras, a Canberra.
Vista del Parlament e autres edificis importants de Canberra.
Black Mountain amb la torre Telstra sus la drecha e l'Arboretum nacional al primièr plan.