Còmi

Còmi
	Коми кыв — 𐍚𐍩𐍜𐍙 𐍚𐍧𐍛
Locutors	219 100
Classificacion lingüistica
	Còmi
Estatut oficial
Oficial de	Komi
Estatut de conservacion
	Atudat; EXExtinct (Atudat) Menaçat; CRCritically endangered (En dangièr critic) SESeverely endangered (En dangièr sevèr) DEDevinitely endangered (En dangièr definitiu) VUVulnerable (Vulnerable) Segur; NENot Endangered (Non en dangièr) ICHEL Red Book: Definitely Endangered Classada coma lenga menaçada (DE) per l''Atlàs de las lengas menaçadas dins lo mond
Còdis lingüistics
ISO 639-1	kv
ISO 639-2	kom
ISO 639-3	kom
Ethnologue	kom
Glottolog	komi1267
UNESCO	373
IETF	kv
	modificar

Lo còmi (коми кыв komi kyv o коми komi) es una lenga parlada dins lo nòrd-est europèu de Russia pel pòple deus còmis. Fa partida de las lengas finés-permianas del grop finés-ogrian (aqueste del finés e benlèu del basc). Existisson mantunas varietats dialectalas, las principalas son lo komi-zyrian parlat dins la republica dels Komis e lo Komi-Yazva, qu'es parlat per un pichon nombre de personas dins la region de Perm e dins lo sud de la republica dels Còmis.

Lo còmi es la lenga oficiala de la Republica dels Komis (capitala : Syktyvkar) que fa partida de la Federacion de Russia mas es solament parlat per mens de 20% de la populacion de la republica ont lo rus (l’autra lenga oficiala) servís de lenga veïculària.

L'escritura

L'istòria de l'escritura de la lenga còmi est interessanta. Lo còmi es la lenga escrita mai anciana del grop finés-ogriana aprèp l'ongarés. Son escritura foguèt mesa al punt a l'entorn de l'an 1370 per Sant Esteve de Perm (Stepan Hrap), que publiquèt un abecedari e unas reviradas de tèxtes religioses dins l'encastre de las crosadas ortodòxas menadas pels princes rus que cobejavan la region. Aqueste alfabet compreniá 24 letras alara que i aviá 35 sons. Al sègle XVIen aqueste alfabet foguèt remplaçat per un alfabet cirilic amb modificacions per las africativas. Dins las annadas 20, la lenga foguèt escrita amb l'alfabet de Molodtsov, tanben derivat del cirilic. Dins las annadas 30 lo còmi es escrit amb letras latinas. E dempuèi las annadas 40, emplega l'alfabet rus mai las letras I,i,Ö,ö.

La gramatica

Lo còmi es una lenga aglutinanta, lo nombre, lo cas, lo temps, la persona son renduts amb sufixes:

Estuctura nominala : Radical+plurial+possessiu+cas

Estructura verbala : Radical+temps+persona

Lo còmi ten mantun cas. En mai dels cas classics (nominatiu, accusatiu, génitiu, datiu, instrumental, ablatiu) se pòt trobar per exemple l'illatiu (moviment cap a l'interior) o l'aproximatiu.

Ligams Externas

Freelang : Diccionari còmi/anglés de descargar

Revista "Regard sur l'est" : "Le sentiment national komi: vers une identité républicaine extralinguistique? " un article en francés de Sébastien Cagnoli.