Còdi postal en França
Dins l'estat francés, lo còdi postal es un nombre que permèt l'automatizacion de la tria del corrièr. Aqueste sistèma existís dempuèi 1964, data que la La Pòsta automatizèt la tria. Al començament, totas las comunas d'un departament avián lo còdi de doas chifras eiretat del còdi INSEE. Lo format cambièt per passar a 5 chifras en 1972. Existís un còdi postal per cada comuna francesa qu'aviá en 1972 un burèu per distribuir lo corrièr.
Las doas primièras chifras
[modificar | Modificar lo còdi]Las doas primièras chifras son las meteissas que las del numèro de departament del burèu de pòsta, e non de la comuna. Existisson qualques comunas que son burèu se tròba dins un autre departament. En Corsega, los còdis postals començan totes per 20 alara que l'illa se compausa de dos departaments (20 èra lo numèro del departament de Corsega quand n'i aviá pas qu'un).
Las tres darrièras chifras
[modificar | Modificar lo còdi]Es lo numèro que designa lo burèu distributor dins lo departament. Pro sovent, las prefecturas an lo còdi 000, e las autras grandas comunas an un còdi que s'acaba per 00. Per las grandas comunas es possible de trobar mai d'un còdi postal segon lo quartièr. Per París, Marselha e Lion, las darrièras chifras del còdi son las de l'arrondiment municipal.
Mónegue utiliza lo sistèma francés; lo còdi postal pel país es 98000.