Bertrans de Masselha

Un article de Wikipèdia, l'enciclopèdia liura.
Salta a la navegació Salta a la cerca

Bertrans de Masselha foguèt un trobador originari de Gavaudan que visquèt al sègle XIII. Es conegut per son poèma agiografic La vida de Santa Enimia.

Biografia[modificar | modificar la font]

Bertrans es estat longtemps considerat coma un trobador provençal, felibre originari de Marselha, que seriá demorat al monastèri dels Benedictins de Santa Enimia, e auriá compausat aquel poèma per fin de mercejar sos òstes de son espitalitat. Mas en 1954 Clovis Brunel desmontrèt qu'en realitat Bertrans èra gavaudanés e que s'agissiá del clergue e baile de l'avèsque de Mende Estève II vèrs 1230-1240. Son origina gavaudanesa se precisèt en 1957 per la descobèrta dins de documents ancians de la mencion de « Marcilia », una forciae (fortalesa) situada dins la val de Tarn. Enfin, en 1964, Marcilia es localizat precisament : a aperaquí 500 m a l'oèst del masatge de Volsegur (comuna de Sant Pèire d'Estripians) sul causse Mejan, André Soutou descobriguèt las roïnas de la demorança fortificada ont nasquèt Bertrans.

Sos primièrs verses introductius de La vida de Santa Enimia nos porgisson d'informacions suplementàrias sus el: nos indican qu'èra un maïstre, çò que significa diplomat d'una universitat e tanben que sabiá legir lo latin pr'amor que son poèma es una adaptacion de la vida de la santa.

Son òbra : La vida de Santa Enimia[modificar | modificar la font]

Se tracta d'un poèma d'exactament 2 000 verses octosillabics de rimas planas, escrit en occitan. Bertrans indica l'aver compausat a la demanda del prior e dels monges de Santa Enimia.


Bibliografia[modificar | modificar la font]