Berenguier II de Palou
Berenguier II de Palou (mòrt en 1241) foguèt evesque de Barcelona de 1212 a 1241.
Nebòt de Berenguier de Palou, evesque de Barcelona, Berenguier II de Palou comencèt sa carriera eclesiastica coma canonge de la catedrala Santa Eulàlia de Barcelona. Gràcias a son educacion, venguèt un collaborator dau rèi Jaume Ièr d'Aragon (1213-1276). Participèt tanben ais expedicions militaras aragonesas dau periòde. Per exemple, acompanhèt lo rèi Pèire II d'Aragon (1195-1213) a la batalha de Las Navas de Tolosa còntra leis Almohades. Menèt tanben un grop de 50 chivaliers durant la Cinquena Crosada en Egipte. Enfin, participèt a l'organizacion de la conquista de Malhòrca onte dirigiguèt un còrs d'un milier de combatents. Pasmens, i foguèt bleçat e amputar d'un pè.
Regardant son òbra religiosa, foguèt a l'origina de fondacions importantas en favor deis òrdres pus desprovesits. En 1233, foguèt elegit arquevesque de Tarragona mai lo papa Gregòri IX refusèt de reconóisser lo vòte e annulèt lo resultat de l'eleccion. A sa mòrt, foguèt enterrat dins la catedrala de Barcelona.