Batalha de l'Escalda

Un article de Wikipèdia, l'enciclopèdia liura.
Fotografia de lançaflamas utilizats per de soudats canadencs per netetjar lei ribas d'un canau.

La batalha de l'Escalda se debanèt dins lo corrent de la Segonda Guèrra Mondiala dau 2 d'octòbre au 8 de novembre de 1944. Designa una tiera d'operacions militaras deis Aliats, principalament menada per l'armada canadenca[1], per conquistar leis illas e lei ribas d'Escalda a l'entorn dau pòrt d'Anvèrs. D'efèct, en despiech de la presa d'aquela vila per lei Canadencs en setembre, leis Alemands ne'n blocavan totjorn l'accès.

Cinc setmanas de combats acarnats foguèron necessàrias, especialament per conquistar Terneuzen (20 de setembre), Woensdrecht (16 d'octòbre), Berg-op-Zoom (24 d'octòbre), per redurre totalament la pòcha de Breskens (2 de novembre) e finalament ocupar l'illa de Walcheren (8 de novembre). 12 873 soudats aliats (6 367 Canadencs) foguèron perduts durant la batalha còntra aperaquí 52 000 Alemands (10 000-12 000 tuats e 41 000 presoniers). La fin dei combats permetèt d'eliminar lei minas blocant lo pòrt d'Anvèrs que foguèt dubèrt ai naviris aliats lo 29 de novembre de 1944.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]

  1. De tropas britanicas, polonesas, estatsunidencas participèron tanben a certanei combats. Lei resisténcias localas (Belgica e País Bas) sostenguèron leis Aliats.