Batalha de Ponte Novu
|
Batalha de Ponte Novu
| |
|---|---|
 | |
| Informacions generalas | |
| Data | 8-9 de mai de 1769. |
| Luòc | Ponte Novu. |
| Cambiaments territorials | Disparicion de la Republica de Corsega. Presa de contraròtle de Corsega per la corona francesa[1]. |
| Eissida | Victòria francesa. |
| Belligerants | |
 Republica de Corsega.
|
 França.
|
| Comandants | |
| Pasquale Paoli.
|
Noël de Jourda.
|
| Fòrças en preséncia | |
| 1 250-2 500 òmes.
|
5 000 òmes.
|
| Pèrdas | |
| 500-1 000 tuats.
|
400-800 tuats.
|
La batalha de Ponte Novu se debanèt lei 8 e 9 de mai de 1769. Marquèt la fin de la conquista francesa de Corsega e la desfacha finala de la Republica de Corsega dirigida per Pasquale Paoli.
Lo racònte dau debanament de la batalha es mau conegut en causa de l'existéncia d'unei versions relativament diferentas mai l'afrontament foguèt saunós per lei doas armadas que perdiguèron de centenaus d'òmes. Pasmens, au contrari de l'armada francesa que podiá remplaçar aisament aquelei pèrdas, l'armada còrsa foguèt totalament anientada e poguèt plus empachar lei Francés de conquistar Corte qu'èra la basa principala de Paoli. Aquela conquista entraïnèt l'afondrament definitiu de la Republica e Pasquale Paoli deguèt s'exilar en Anglatèrra. Dins lo corrent dei mes seguents lo combat, una tièra d'anobliments permetèt a Loís XV de contentar l'aristocracia de l'illa, compres lei partisans de Paoli.
Liames intèrnes
[modificar | Modificar lo còdi]Bibliografia
[modificar | Modificar lo còdi]Nòtas e referéncias
[modificar | Modificar lo còdi]- ↑ Après la desfacha de Paoli, Corsega venguèt una possession personala dau rèi de França. L'illa foguèt integrada au sen de França durant la Revolucion Francesa.