Batalha de Fleurus (1794)

Un article de Wikipèdia, l'enciclopèdia liura.
Sauter à la navigation Sauter à la recherche
Pintura representant la batalha de Fleurus (Jean Baptiste Mauzaisse, 1837).

La batalha de Fleurus se debanèt dins lo corrent de la Guèrra de la Premiera Coalicion lo 26 de junh de 1794 (ò lo 8 de messidor an II). Foguèt la consequéncia d'una ataca dei coalizats (Sant Empèri, Províncias Unidas, Reiaume Unit e Hannover) còntra lei fòrças francesas enceuclant la vila de Charleroi. Pasmens, l'armada de la Coalicion dirigida per lo prince de Saxònia-Coborg (52 000 òmes e 111 canons) ignoravan la rediccion de la ciutat. De mai, se turtèron a de tropas francesas numericament superioras (90 000 òmes e 100 canons). Ansin, lei Francés resistiguèron ais atacas coalizadas e lo prince de Saxònia-Coborg deguèt ordonar una retirada generala de sei fòrças en direccion de Brussèlas.

Lo bilanç uman foguèt de 5 000 soudats perduts (tuats, bleçats e presoniers) dins lei dos camps. Pasmens, dins lei fachs, lei Francés foguèron pus durament tocats que perdiguèron pauc de presoniers mau subretot de mòrts e de bleçats. Leis Imperiaus perdiguèron la garnison de Charleroi (2 800 òmes) mai solament 1 500 soudats sus lo prat batalhier. Leis Olandés perdiguèron probablament 700 òmes e lei pèrdas britanicas foguèron feblas.

La batalha es venguda un episòdi de la mitologia revolucionària francesa en causa de son còst uman e car permetèt la conquista de la quasi totalitat de Belgica liberant ansin la frontiera dau nòrd-èst de la menaça dei Coalizats. De mai, la batalha es famosa per l'utilizacion d'un mongolfier per observar lei movements enemics per lei Francés.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]