Batalha de Cedar Creek
La batalha de Cedar Creek se debanèt lo 19 d'octòbre de 1864 durant la Guèrra de Secession. Marca la fin de la campanha de la vau de Shenandoah. Aquela vau èra una zòna agricòla importanta per lo Sud e lo Nòrd aviá donc decidit de l'atacar a partir dau 15 de mai. Pasmens, leis asalhidors foguèron susprés per la resisténcia de l'armada sudista dau generau Jubal Anderson Early. Lo 18 de junh, foguèron batuts e Early aprofichèt son succès per menar una incursion dins lo territòri unionista. Menacèt brèvament Washington (11-12 de julhet) e la vau venguèt un teatre de combats importants.
Dins aqueu quadre, la batalha de Cedar Creek foguèt la conclusion de la temptativa de l'armada unionista dau generau Phillip Sheridan (32 000 òmes) d'interceptar e de destrurre l'armada d'Jubal Anderson Early (14 000 òmes). En fugida après divèrsei batalhas còntra son adversari, Early organizèt una còntra-ofensiva que susprenguèt son adversari. Durament batuts, leis Unionistas deguèron se retirar e lei soudats confederats, escagassats per la manca de viures, abandonèron rapidament la perseguida per pilhar lo camp de seis adversaris. I foguèron a son torn susprés per l'arribada de renfòrç unionistas. La màger part de l'armada sudista poguèt s'enfugir mai Early perdiguèt 2 900 òmes. De son caire, lei fòrças de Sheridan perdiguèt 5 700 òmes. Pasmens, lei Confederats foguèron pas capables de remplaçar sei pèrdas e retirèron una partida de sei tropas per renfòrçar lo sector de Petersburg.
Lo generau Early demorèt dins la region amb una pichona (aperaquí 1 500 òmes) fòrça per protegir d'infrastructuras ferroviàrias. Sei tropas foguèron definitivament destruchas lo 2 de març de 1865 a la batalha de Waynesboro.
Liames intèrnes[modificar | Modificar lo còdi]
Bibliografia[modificar | Modificar lo còdi]
- (en) Gary W. Gallagher, Struggle for the Shenandoah : essays on the 1864 valley campaign, Kent State University Press, 1991.