Bardenas Reales
Las Bardenas Reales son una region naturala semidesertica, o badlands, d'aperaquí 42 000 ectaras dins lo sud-èst de Navarra en Espanha. Los sòls son compausats d'argila, de greda e de gres e son estats erodadas per l'aiga e lo vent creant de formas susprenentas, de canhons, de replanats, d'estructuras tabularas e de puèges isolats, dits cabezos. Las Bardenas Reales son desprovesidas de zonas urbanas, la vegetacion es escassa e las nombrosas aigas que traversan lo territòri an un debit netament sasonièr, demorant sèc la màger part de l'annada.