Bandiat

Bandiat

Tipe	Riu
Localizacion
Estat	Occitània, França
Boca	Tardoira
Bacin idrografic	conca del riu Charanta (ca)
Donadas
Altitud	73 m
Dimensions	91,2 () km
Mesura e indicadors
Debit	3.63 m3⋅s-1

Bandiat [bãⁿ'dja] (en francés Bandiat) es una ribiera occitana dau sud-oest de França (regions de Lemosin, d'Aquitània e de Peitau-Charantas).

Geografia

La font de Bandiat se tròba sus lo ranvers sud dau Puei Chauvet (440 m d'altitud), rasís lo vilatge dau Puei Conhós (comuna de Dornasac, en Nauta Vinhana. Dins son cors superior, cola vers lo sud-oest, mas aprep Nontronh, vira vers lo nòrd-oest e s'en vai vers Charanta. Bandiat a la particularitat de s'estrecir de mai en mai en s'aprueimar de Tardoira. Quand arriba rasís Saint-Projet, es mas un riu que sas aigas dispareissen completament dins de las perdas dau planetge karstic. Aquelas aigas alimentan una brava ressorgida, las fonts de Tovra, un pauc a l'est d'Engolesme. Lòrs de las grandas cregudas, Bandiat se junh tot parier a Tardoira en Agris (Charanta).

Idrologia

Bandiat es plan sensible a las plegudas. Monta pro leu per temps de fòrta pluèja, mas tòrna trobar tan leu son niveu costumier quand lo temps se tòrna brave. Son debit mejan varia en Fuelhada entre 0,6 m³/s per l'estiu e 6 m³/s per l'ivern.

Localitats asaigadas

• Ajac de Bandiat
• Nontronh
• Javerlhac e La Chapela Sent Robert
• Fuelhada
• Marton
• Sent German de Montberol
• Chasèlas
• Pranzac