Bandiat

Bandiat
Bandiat a Javerlhac (Dordonha) en periòde d'aigas bassas.
Caracteristicas
Longor	91,2 km
Bacin	559 km2
Bacin collector	Charanta
Debit mejan	3,63 m3⋅/s (Fuelhada)
Nombre de Strahler	4
Regime	pluviau oceanic
Cors
Font	sud-oest dau Puei Chauvet
· Localizacion	La Chapela e Montbrandés
· Altitud	443 m
· Coordenadas	45° 39′ 47″ N, 0° 52′ 35″ E
Confluéncia	Tardoira
· Localizacion	Agrís
· Altitud	71 m
· Coordenadas	45° 46′ 43″ N, 0° 20′ 21″ E
Geografia
Principals afluents
· Riba drecha	Doa, Varanha (Noms probables)
Païses traversats	Occitània, França
Region	Novela Aquitània
Departaments	Charanta, Dordonha, Nauta Viena
Principalas localitats	Nontronh
Sorsas : Sandre:R11-0400, Géoportail, Banque Hydro

Bandiat [bãⁿ'dja] (en francés Bandiat) es una ribiera occitana dau sud-oest de França (regions de Lemosin, d'Aquitània e de Peitau-Charantas).

Geografia

La font de Bandiat se tròba sus lo ranvers sud dau Puei Chauvet (440 m d'altitud), rasís lo vilatge dau Puei Conhós (comuna de Dornasac, en Nauta Vinhana. Dins son cors superior, cola vers lo sud-oest, mas aprep Nontronh, vira vers lo nòrd-oest e s'en vai vers Charanta. Bandiat a la particularitat de s'estrecir de mai en mai en s'aprueimar de Tardoira. Quand arriba rasís Saint-Projet, es mas un riu que sas aigas dispareissen completament dins de las perdas dau planetge karstic. Aquelas aigas alimentan una brava ressorgida, las fonts de Tovra, un pauc a l'est d'Engolesme. Lòrs de las grandas cregudas, Bandiat se junh tot parier a Tardoira en Agris (Charanta).

Idrologia

Bandiat es plan sensible a las plegudas. Monta pro leu per temps de fòrta pluèja, mas tòrna trobar tan leu son niveu costumier quand lo temps se tòrna brave. Son debit mejan varia en Fuelhada entre 0,6 m³/s per l'estiu e 6 m³/s per l'ivern.

Localitats asaigadas

• Ajac de Bandiat
• Nontronh
• Javerlhac e La Chapela Sent Robert
• Fuelhada
• Marton
• Sent German de Montberol
• Chasèlas
• Pranzac