Bèth cèu de Pau

Lo Bèth cèu de Pau qu'ei ua cançon escrivuda e compausada per C. Darrichon. Qu'ei considerada com l'imne de la capitala bearnesa.

Bèth cèu de Pau, quan te tornarèi véder ?
Qu'èi tant sofert despuish qui t'èi quitat.
Si'm cau morir shens de't tornar revéder,
Adiu, bèth cèu, t'aurèi plan regretat.
Qu'aurí volut, Bearn cantar ta gloèra.
Mes ne poish pas, car que soi tròp malaut.
Mon Diu, mon Diu, deishatz-me véder encoèra
Lo cèu de Pau, lo cèu de Pau (bis).

Ier, qu'èri sol, dens ma trista crampeta
A respirar lo perfum deu printemps
Quan, tot d'un còp, ua prauba irongleta,
Possa un gran crit, e puish en meme temps.
Un esparvèr cor sus la beroina ;
- Çai, çai t'ací, jo ne't harèi pas mau !
Rentra dehens, que parleram praubina
Deu cèu de Pau, dau cèu de Pau (bis).

Qu’as tu pensat, la mia prauba amiga
De viatjar sola, shens nat secors ?
Repausa drin, de córrer que fatiga,
Ací, n’as pas a crànher los autors
Per qué tremblar ?
Ben n’ès pas presonèra
Que pòts partir si n’ei pas çò qui't cau
Repren ton vòu, ben voltitjar leugèra (bis)
Au cèu de Pau au cèu de Pau. (bis)

Mes, que te'n vas, beròia messatjèra,
Adiu, adiu, senti que'm vau morir.
Car lo Bon Diu entà d'eth que m'espèra,
Doman betlèu, non serèi mèi ací !
Puish que te'n vas, ven-te'n dens la montanha,
Ven har ton nid devath noste portau,
Qu'auràs de tot, tà tu e ta companha
Au cèu de Pau, au cèu de Pau (bis).