Autoritat del Transport Metropolità
L'Autoritat del Transport Metropolità, abreujat en ATM (traduccion a l'occitan: Autoritat del Transpòrt Metropolitan) es un consòrci interadministratiu de caractèr volontari que se constituiguèt en 1997 per coordenar e planificar lo transpòrt public dins la Region Metropolitana de Barcelona.
I pòdon aderir totas las administracions titularas de servicis publics de transpòrt collectiu, individualament o a travèrs d'entitats que las recampan e representan, qu'apertengan al domeni format de las comarcas de l'Aut Penedés, lo Bas Llobregat, lo Barcelonès, lo Garraf, lo Maresme, lo Valés Occidental e lo Valés Oriental.
Las Administracions recampadas en consòrci son la Generalitat de Catalonha (51%) e d'administracions localas (49%), compausadas per la Comuna de Barcelona, l'Entitat Metropolitana del Transport (EMT) e l'Agropacion de Municipalitats titularas de servicis de Transpòrt Urban de la region metropolitana de Barcelona (AMTU). Cal notar la preséncia de representants de l'Administracion Generala de l'Estat dins los organs de govèrn de l'ATM, en qualitat d'observaires.
.svg)
Integracion tarifària
[modificar | Modificar lo còdi]
.svg)
L'ATM gerís lo sistèma d'integracion tarifària, creat l'an 2001. Mercé a aquel, amb un unic bilhet se pòt utilizar divèrses tipes de transpòrt dins la region metropolitana (autobús, mètro, Renfe, TMB, Tram, FGC), e se pòt far divèrses tipes de transbordament entre aqueles mejans de transpòrt sens tornar pagar pendent un limit de temps que depend de las zònas traversadas (malgrat que se li cal validar lo bilhet a cada transbordament).