Arroi deus Mendelssohn
L'Arroi deus Mendelssohn qu'ei un vriulon creat per Antonio Stradivari en 1721. Qu'ei en possession e jogat per la violonista americana Elizabeth Pitcairn.
L'istòria de l'Arroi que demòra misteriosa enter lo son despartir deu talhèr d'Antonio Stradivari a Cremona dinc a la soa aquesida, a la fin deu sègle XIX, per tanhents deu compositor Felix Mendelssohn e donc tanben deu filosòf Moses Mendelssohn.
Que vadó hèra famós per aver inspirat lo scenario deu filme canadian The Red Violin per'mor l'ajòu de Pitcaim que'u crompè entà era auherir en 1990 a Christie's per 1,6 milion de dollars. Elizabeth Pitcairn b'avèva pas sonque 16 ans e l'identat deu crompador e de la soa beneficiària que ho esconuda ; Pitcairn e lo son ajòu que demorèn un par d'annadas abans de levar aqueste anonimat (arron que la violonista e avosse completats los sons estudis e la soa carrièra).
