Argun

Un article de Wikipèdia, l'enciclopèdia liura.
Sauter à la navigation Sauter à la recherche
Localizacion d'Argun dens lo bacin d'Amur

L'arriu d'Argun (Аргунь Argun en rus, 额尔古纳河 É'ěrgǔnà hé en chinés, Ergune bira en manchó), qui vòu díser « arriu long » en lenga boriata, qu'ei un important cors d'aiga de la Republica Populara de China e de la Federacion de Russia. Lo son confluent dab Shilka que da neishença a Amur.

La soa longor qu'ei de 1 620 km; lo son bacin qu'a ua superfícia de 164 000 km². Que neish a l'oèst de la cadea montanhosa volcanica deu Gran Khingan dens la region autonòma de la Mongolia Interiora au nòrd-èst de China. Lo cors superior situat completament en China, conegut devath lo nom de Hailar (拉尔河 en chinés; pinyin Hailar He), que trauca ua region arida e de l'estèpa on e adaiga las vilas de Xiguit Qi e de Hailar, puish que passa au ras deu Lac de Hulun, près de la vila de Manzhouli, que torna vèrs lo nòrd-èst e lo son cors que serveish de termièra naturau dab Russia sus 944 km. La soa confluéncia dab l'arriu de Shilka que da neishença a Amur a 65 km a l'oèst de Xilinji, capitau deu xian de Mohe (Heilongjiang).