Anton Drexler

Un article de Wikipèdia, l'enciclopèdia liura.
Salta a la navegació Salta a la cerca
Fotografia d'Anton Drexler.

Anton Drexler (13 de junh de 1884, Munic - 24 de febrier de 1942, Munic) èra un òme politic alemand nacionalista, pangermanista, anticomunista e antisemita. Foguèt lo fondator dau NSDAP e son cap principau de 1919 a 1921 avans d'èsser escartat per Adolf Hitler.

Obrier sarralhier de Munic, fondèt lo DAP lo 5 de genier de 1919 per desvolopar leis idèas nacionalistas au sen de la classa obriera. En octòbre, son partit recebèt l'adesion d'Adolf Hitler que venguèt rapidament cap de la propaganda gràcias a sei talents d'orators. Lo 24 de febrier de 1920, acceptèt de cambiar lo nom dau partit que venguèt lo NSDAP. Participèt tanben amb Hitler a la redaccion dau programa de 25 ponchs que venguèt la basa dau nazisme fins ais annadas 1930.

Dins lo corrent de l'estiu de 1921, inquiet de l'influéncia creissenta d'Adolf Hitler au sen dau partit, assaièt de le'n escartar. Pasmens, lo conflicte s'acabèt per sa desfacha e Drexler perdiguèt tot poder dins lo NSDAP. Dins lo corrent deis annadas 1920, quitèt lo partit avans d'i tornar venir en 1933 quand Hitler venguèt cancelier. Guierdonat de l'Òrdre dau Sang en 1934, i recebèt un pòste onorific.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]