Anaal Nathrakh

Un article de Wikipèdia, l'enciclopèdia liura.
Salta a la navegació Salta a la cerca

Anaal Nathrakh es un grope de black metal, fòrça influenciat per d'autreis artistas coma Mayhem, Burzum, Darkthrone, que siguèt format en 1999 a Birmingham en Anglatèrra. Es un dei gropes mai violents e extrèms sus la scena internacionala. D'en premier Anaal Nathrakh parlèt de subjèctes coma la destruccion totala de l'uman, puei après d'autrei temas encara pus apocaliptics. Pasmens, si pòu pas èstre d'a fons segur de l'ideologia dau grope que lei paraulas siguèron jamai publicadas.

Lo grope si compausa d'Irrumator que jòga de totei leis instruments, e de V.I.T.R.I.O.L. ai vocaus.

Lo nom Anaal Nathrakh s'inspira de la formula magica "Anál nathrach, orth' bhais's bethad, do chel denmha" dicha per Merlin dins lo filme de John Boorman, Excalibur (1981). "Anál nathrach" significa en irlandés ancian "lo bof de la sèrp". Aquela formula s'entende au començament de la cançon Anaal Nathrakh.